Дзіцячая творчасць не мае межаў

Не так даўно ў Нацыянальным цэнтры мастацкай творчасці дзяцей і моладзі адбылася цырымонія ўзнагароджання пераможцаў і прызёраў IV Рэспубліканскага агляду-конкурсу дзіцячай творчасці «Добры дзень, свет!» у намінацыях «Выяўленчае мастацтва» і «Дэкаратыўна-прыкладное творчасць», «Казка booktrailer», удзельнікаў рэспубліканскай выставы дзіцячай творчасці «Kazki.by!».   Яркая святочная атмасфера склалася дзякуючы ўдзелу юных мастакоў, іх бацькоў і настаўнікаў – выдатных таленавітых педагогаў устаноў дадатковай адукацыі дзяцей і моладзі, шматлікіх студый і гурткоў дзіцячай мастацкай творчасці. У свяце прынялі ўдзел больш за 100 навучэнцаў устаноў адукацыі з усіх рэгіёнаў краіны. Пераможцы і прызёры былі
ўзнагароджаны дыпломамі I, II, III ступені Міністэрства адукацыі Рэспублікі Беларусь. З перамогай удзельнікаў агляду-конкурсу павіншавалі старшыня журы дацэнт кафедры малюнка, жывапісу, скульптуры Беларускай дзяржаўнай акадэміі мастацтваў Кліменка Іван Дзямідавіч, намеснік дырэктара Нацыянальнага цэнтра Кацярына Анатольеўна Кузьменка і мастацкі кіраўнік Надзея Іванаўна Коршунава.

Прыемна адзначыць, што сярод пераможцаў тройчы былі названы імёны навучэнцаў Сярэдняй школы №1 г.Сянно (Халецкая Кацярына, дыплом трэцяй ступені), Сярэдняй школы №2 г.Сянно (Сірэнка Назарыя, дыплом 1-й ступ
ені), Сенненскага раённага цэнтра дзяцей і моладзі (Шарановіч Віялетта, дыплом 1-й ступені).
Мы вельмі ўдзячныя педагогам, якія падрыхтавалі сваіх выхаванцаў да такіх высокіх дасягненняў. Алене Мікалаеўне Польскай і Таццяне Мікалаеўне Сірэнка за высокі прафесійны ўзровень і творчыя дасягненні ў навучэнні і выхаванні навучэнцаў  уручана падзяка  Нацыянальнага цэнтра мастацкай творчасці дзяцей і моладзі.

Работы нашых дзяўчынак напрацягу месяца будуць упрыгожваць Рэспубліканскую выставу «Kazki.by!», дзе прадстаўлена звыш 630 індывідуальных і калектыўных творчых работ навучэнцаў.

Сенненскі цэнтр дзяцей і моладзі прыняў запрашэнне Нацыянальнага цэнтра мастацкай творчасці паўдзельнічаць у рэспубліканскім конкурсе-выставе «Саматканы цуд». Калектывам навучэнцаў гуртка «Умею шыць» пад кіраўніцтвам педагога дадатковай адукацыі Кучынскай Тамары Міхайлаўны прадстаўлены два нацыянальных касцюма (мужчынскі і жаночы), якія адлюстроўваюць хараство і самабытнасць Сенненскага строю.

Дзіцячая творчасць не мае межаў. Пра гэта сведчыць Міжнародны фестываль выяўленчага мастацтва сярод навучэнцаў, які арганізаваны Пасольствам Рэспублікі Беларусь у Японіі. Індывідуальная работа  «Музей часу» хлопчыка з абмежаванымі магчымасцямі Сірэнка Расціслава, вучня 11 класа сенненскай другой школы, якую ён накіраваў для ўдзелу ў Нацыянальным конкурсным адборы, адлюстроўвае свежы і арыгінальны погляд на развіццё сваёй краіны і народа.

Пажадаем творчых поспехаў і імкнення да новых дасягненняў нашым юным талентам.

В.Каржыцкая, дырэктар Сенненскага РЦДіМ

Оставить комментарий

Ваш e-mail не будет опубликован. Обязательные поля помечены *