Тэма прывіцця сучаснаму падрастаючаму пакаленню патрыятызму ў сённяшнім неспакойным свеце вельмі важная і не страціць сваёй актуальнасці. Сёння ў раёне ў жывых засталося 2 ветэраны Вялікай Айчыннай вайны – Паўлоўскі Канстанцін Антановіч і Усціновіч Маргарыта Мікіцічна (у Віцебскай вобласці іх крыху больш за 300).
Важна не перапыніць сувязь паміж ветэранамі і маладым пакаленнем, якому завешчана берагчы мір. Але нават калі сыдуць з жыцця апошнія відавочцы трагічнай і гераічнай старонкі нашай гісторыі, мы павінны захоўваць не скажоную памяць аб пераможцах над фашызмам, захаваць гістарычную праўду пра перамогу савецкага народа ў Вялікай Айчыннай вайне 1941-1945 г. г., подзвігі герояў, абаронцаў Айчыны. Такую мэту ставіў перад сабой рэспубліканскі конкурс дзіцячага малюнка ”Нам мір завешчана берагчы–2022“, які з’яўляецца адным са шматлікіх мерапрыемстваў Года гістарычнай памяці.
У раёне ініцыятарам конкурсу дзіцячага малюнка з’явіўся Сенненскі раённы савет ветэранаў БААВ, які ў супрацоўніцтве з аддзелам ідэалагічнай работы, культуры і па справах моладзі, аддзелам адукацыі Сенненскага райвыканкама, раённымі арганізацыямі грамадскіх аб’яднанняў ”Белая Русь“, ”Беларускі саюз жанчын“, цэнтрам дзяцей і моладзі ў перыяд з 14 студзеня па 25 лютага арганізаваў правядзенне патрыятычнага мерапрыемства. У ім прынялі ўдзел 20 юных мастакоў 7–15 гадоў з устаноў агульнай сярэдняй адукацыі, дадатковай адукацыі дзяцей і моладзі.
Дзевяць лепшых малюнкаў, якія адлюстроўвалі асноўныя тэмы конкурсу ”Яны змагаліся за Радзіму“, ”Свята Перамогі вачамі дзяцей“, ”Дарагія мае ветэраны“, ”Мая сям’я і вялікая Перамога“, прынялі ўдзел у абласным конкурсе, дзе было прадстаўлена звыш за 200 творчых работ юных мастакоў Віцебшчыны.
Фіналістамі абласнога этапу сталі 10 канкурсантаў, сярод іх –Падалінская Ганна, 9-гадовая выхаванка А.М. Польскай, навучэнка аб’яднання па інтарэсах ”Чароўная пэндзлік“ Сярэдняй школы №1 г. Сянно ім. З. І. Азгура.
Даведачна: рашэннем журы раённага этапу рэспубліканскага конкурсу дзіцячага малюнка ”Нам свет завешчана берагчы“ пераможцы і актыўныя ўдзельнікі ў хуткім часе будуць узнагароджаны дыпломамі Сенненскай раённай арганізацыі Беларускага грамадскага аб’яднання ветэранаў, падарункамі ад раённых арганізацый грамадскіх аб’яднанняў ”Белая Русь“, ”Беларускі саюз жанчын“.
В. Каржыцкая, намеснік дырэктара Сенненскага раённага цэнтра дзяцей і моладзі
«Салют Перамогі ў Мінску», Рачкоўскі Іван, Ходцаўская ЯССШ 
«Ліст домоў», Скок Сафія, Сенненскі РЦДі М 
«Лясны дазор», Падалінская Ганна, СШ №1 г.Сянно 
«Працоўны подзвіг дзяцей вайны», Лапунова Ганна, СШ №1 г.Сянно 
«Свята Перамогі», Лындзіна Паліна, Сенненскі РЦДіМ 
«Дзеці вайны», Гарбузова Паліна, Сенненскі РЦДіМ 
“Дзякуй за мірнае неба”, Берашэвіч Валерыя, Сеннненскі РЦДіМ 
“Разведчыкі”, Навуменка Марыя, СШ №1 г. Сянно 
“Усё жывое памятае”, Ліванская Таццяна, Ходцаўская ЯССШ
